மதராசப்பட்டினம்

முதல் நாள் பார்த்தே ஆக வேண்டும் என்று ரொம்ப நாட்கள் காத்திருந்து, அடித்துப் பிடித்து ரிசர்வ் செய்து பார்த்தப் படம். கேட்டுக் கேட்டுத் தீர்த்தப் பாடல்கள், ஆவலைத் தூண்டும் விளம்பரங்கள் என்று எத்தனையோ காரணங்கள்!! காத்திருப்பும் எதிர்பார்ப்பும் வீண் போகவில்லை. இயக்குனர் விஜய்க்கு நன்றிகள், பாராட்டுக்கள். இந்தியா சுதந்திரம் அடைந்த காலகட்டத்தில் நடக்கும் நெகிழ்வான, கனமான ஒரு காதல் கதை. சலவைக்கார மல்யுத்த வீரனாக ஆர்யா. பிரிட்டிஷ் சீமாட்டியாக ஏமி ஜாக்ஸன்(பொண்ணு Miss World Teen !!!!). இருவருக்குமிடையே காதல். சந்தர்ப்பவசத்தால் 1947ல் பிரிகிறார்கள். காதலி இங்கிலாந்து போக நேரிடுகிறது. கிட்டத்தட்ட 60 வருடம் கழித்து ஆயாவாக தன் பழைய காதலனைத் தேடிக் கொண்டு(கணவன்...