நீலகிரி மாவட்டம் மசினகுடி, சிங்காரா வனப்பகுதியில் நியூட்ரினோ ஆய்வகம் ஒன்றை இந்தியா அமைக்க இருப்பதையும் அதை இயற்கை ஆர்வலர்கள் எதிர்த்து வருவதையும் பற்றிக் கேள்விப்பட்டிருப்பீர்கள். கேட்பதற்கு டொரினோ மாதிரி இருக்கிறதே, அது என்ன நியூட்ரினோ என்று வலையில் தேடிப்பார்த்ததில் சில தகவல்கள் கிடைத்தன. இப்போதைக்கு நியூட்ரினோ என்பது ஒரு மின்சுமை இல்லாத, ஒளியின் வேகத்திற்கு நெருக்கமாக பயணிக்கக்கூடிய மிகச்சிறிய (மிக மிக மிகச் சிறிய) துகள் என்று வைத்துக்கொள்வோம். இந்த துகள் சூரியனில் நடைபெறுகிற அணுப்பிளவு/இணைவு போன்ற செயல்பாடுகள் மூலம் இயற்கையாகக் கிடைக்கிறது. இது தவிர, இது அணு உலைகள் மூலமாகவோ அல்லது காஸ்மிக் கதிர்களைக் கொண்டு அணுவைத் தாக்குவதாலோ...
