நண்பர்களுடனான எனது சனிக்கிழமைகள் விசேஷமானவை. மறுநாள் காலை நான்கு மணி வரை நீளும் இரவுகளை, பேசியேத் தீர்ப்போம். அரிதாக உருப்படியான விஷயங்கள் விவாதிக்கப்படுவதுண்டு. சமீபத்தில் விவாதிக்கப்பட்ட விஷயம் G.D.P (Gross Domestic Product). மொத்த உள்நாட்டு உற்பத்தி. இந்தியாவின் ஜி.டி.பி விகிதம் சரியான முறையில் கணக்கிடப்படுவதில்லை என்று பேசிக்கொண்டிருந்தார்கள். எனக்கு ஜி.டி.பி பற்றி ஒரு இழவும் தெரியாத்ததால் புரிந்தும் புரியாமலும் கேட்டுக்கொண்டிருந்தேன். அன்று மழை பெய்து ஓய்ந்திருந்தது. சிட்டி சென்டரிலிருந்து அறைக்கு வந்து கொண்டிருந்தோம். ஜி.டி.பி யில் ஆரம்பித்த விவாதம் பிளாட்ஃபார்ம் வாசிகள் பக்கம் திரும்பி, அரசின் மெத்தனத்தைச் சாடி, இறுதியாக "அரசாங்கம் இருக்கட்டும், நீ சமூகத்திற்கு என்ன செய்யப் போற?" என்ற கேள்வியில் வந்து நின்றது.
"இனி இந்தியப் பொருட்களைத் தான் வாங்குவேன்" என்றான் ஒரு நண்பன்.
"முடிந்த வரை நகரத்தைச் சுத்தமாக வைத்திருப்பேன்" என்றான் இன்னொருவன், புகைத்து முடித்திருந்த சிகரெட்டைத் தெருவில் விட்டெறிந்துவிட்டு!
"நண்பர்களுக்குட் ட்ரீட் கொடுப்பதை விட ஒரு சாரிட்டிக்கு டொனேஷன் கொடுக்கலாம்" என்றேன் நான்.
ஒரு வாரம் ஆகிவிட்டது. சுதேசி நண்பன் லேட்டஸ்ட் நோக்கியா மொபைல் வாங்கியிருக்கிறான். அதற்காக McD யில் ட்ரீட் கேட்டு நச்சரித்துக் கொண்டிருக்கிறேன் நான்.
கஷ்டம்!
{}
முன்னாள் தோழிக்குத் திருமணம் நிச்சயமாகிவிட்டது. இந்த மாதிரி தருணங்களில் கவிதை எழுதும் வழக்கம் இன்னும் இருக்கிறதா? யாராவது யாப்பிலக்கணம் சொல்லித் தர முடியுமா?
{}
புதிய தோழி இரண்டு ஜோடி Budgerigar வளர்க்கிறாள். இது ஏதோ Breeding சீசனாம் :). அவைகளுக்குக் கூடு கட்டக் கூடத் தெரியவில்லையாம். அதற்கு என்னிடம் சண்டை பிடிக்கிறாள். என்ன கொடுமை சார் இது ?
{}
உங்களுக்கு Super-Ancient கலாச்சாரங்களைப் பற்றியக் கதைகள் பிடிக்குமா? சிம்பல்ஸ்? பிரமிடின் மர்மங்கள் ? Treasure Hunt கலந்த விறுவிறுப்பான ஆக் ஷன் கதைகள் ? பிடிக்க்குமென்றால் உங்களுக்கு மேத்யூ ரெய்லியின் இந்த நாவல்களை ரொம்பப் பிடிக்கும்.
1) Seven Ancient Wonders
2) Six Sacred Stones
3) Five Great Warriors.
இதே வரிசையில் படிக்கவும். பட்டாசு பட்டாசு!
{}
13 கருத்து:
///முன்னாள் தோழிக்குத் திருமணம் நிச்சயமாகிவிட்டது. இந்த மாதிரி தருணங்களில் கவிதை எழுதும் வழக்கம் இன்னும் இருக்கிறதா? யாராவது யாப்பிலக்கணம் சொல்லித் தர முடியுமா? ////
அதான் இருக்கேன்ல வா சொல்லித் தாரேன்,யாப்பென்னா ஆப்பையும் சேர்த்தே சொல்லித் தாரேன்
/// புதிய தோழி இரண்டு ஜோடி Budgerigar வளர்க்கிறாள். இது ஏதோ Breeding சீசனாம் :). அவைகளுக்குக் கூடு கட்டக் கூடத் தெரியவில்லையாம். அதற்கு என்னிடம் சண்டை பிடிக்கிறாள். என்ன கொடுமை சார் இது ? ////
இது வேறையா,தோழி அப்டேட்சு போட முயற்சி பண்றியா,ரைட்டு
ஜில்லு, தோழி அப்டேட்சு இல்லை..
தோழிய அப்டேட் பண்ணியாச்சு... :D
// தோழிய அப்டேட் பண்ணியாச்சு... //
எதோ ஒன்னு
நல்லாருந்தா சரி :)
நண்பரே இப்போது தான் உங்கள் தளத்திற்கு வருகிறேன்.. அருமை.. ரசிகன் என்று இன்னும் சில பேர் இருப்பதால் குழம்பி போய்விடுகிறேன்...
முன்னாள் தோழிக்குத் திருமணம் நிச்சயமாகிவிட்டது. இந்த மாதிரி தருணங்களில் கவிதை எழுதும் வழக்கம் இன்னும் இருக்கிறதா? யாராவது யாப்பிலக்கணம் சொல்லித் தர முடியுமா?
//
இதற்காக எழுத ஆரம்பித்திருந்தால் இன்று நான் வைரமுத்துவையும் மிஞ்சியிருப்பேன்..
புதிய தோழி இரண்டு ஜோடி Budgerigar வளர்க்கிறாள். இது ஏதோ Breeding சீசனாம் :). அவைகளுக்குக் கூடு கட்டக் கூடத் தெரியவில்லையாம். அதற்கு என்னிடம் சண்டை பிடிக்கிறாள். என்ன கொடுமை சார் இது ?
//
இது வெறும் ட்ரையல் தான் வாத்தியாரே... குருவி முட்ட போடலன்னா கூட நீங்க தான் பதில் சொல்லணும்.. ஜாக்கிரதை.
நீ சமூகத்துக்கு என்ன செய்யப்போற? நல்ல கேள்விதான்..ஆனா நைட்டு கேட்டுட்டுட்டு காலைல நம்ம எல்லோரும் மறந்திடுற..கேள்வி இல்லையா..நல்ல பதிவு மகேஷ்...
நல்லா எழுதியிருக்கீங்க.. நல்லா இருக்கு..
@ நன்றி வெறும்பய அவர்களே...
குழப்பமாக இருக்கிறது என்று தான் என் பெயரையும் சேர்த்துக் கொண்டேன்.
// இது வெறும் ட்ரையல் தான் வாத்தியாரே... குருவி முட்ட போடலன்னா கூட நீங்க தான் பதில் சொல்லணும்.. ஜாக்கிரதை. //
ஐய்யைய்யோ....
@ நன்றி ரமேஷ்.
@ நன்றி பாபு.
நல்லா இருந்ததுப்பா... நல்லா இருப்பா...
ஜிடிபியைப் பத்தி சொல்லித் தர்ற மாதிரி ஐடியா இல்லையா?
Post a Comment